BAKI,VOA, Fərid Mikayılov

Türkiyə Böyük Millət Məclisinin (TBMM) Sədri Numan Kurtulmuş İsrail rəhbərliyinin son bəyanatlarına və beynəlxalq müstəvidəki çıxışlarına qarşı sərt reaksiya göstərib.

VOA xəbər verir ki, TBMM Sədri rəsmi açıqlamasında Tel-Əvivin yürütdüyü siyasəti və bəyanatları kəskin tənqid edib.

"İsrailin əli qanlı Baş nazirinin söylədiyi sözlərin heç bir əhəmiyyəti və dünya ictimaiyyətində ən kiçik bir çəkisi yoxdur"- deyə Kurtulmuş bildirib.

TBMM Sədri həmçinin qeyd edib ki, beynəlxalq hüququ mütəmadi olaraq pozan və regional sabitliyə təhdid yaradan İsrail hökumətinin bəyanatları artıq qlobal arenada etibarlılığını tamamilə itirib. Türkiyənin fələstinlilərin haqlarını müdafiə etməyə və İsrailin təcavüzkar addımlarına qarşı beynəlxalq platformalarda səslərini ucaltmağa davam edəcəyi bir daha diqqətə çatdırılıb.