Qətər təzə xurma üzrə özünü təminetmə səviyyəsini 75 faizdən yuxarı qaldıraraq yerli təsərrüfatlarda illik istehsal həcmini 26 min tondan çox göstərə bilib. Bu göstərici ölkənin kənd təsərrüfatı istehsalını gücləndirmək və ərzaq təhlükəsizliyi məqsədlərini dəstəkləmək istiqamətində mühüm irəliləyiş kimi qiymətləndirilir.
- Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
- Prezident İlham Əliyev Mərakeş Kralını və xalqını təbrik edib
- Suriyanın şimal-şərqində aşirət səfərbərliyi nəyə işarə edir?
ArabAZ xəbər verir ki, məhsuldarlığın artırılması 638 min dən çox xurma palması yetişdirən 885 məhsuldar fermer təsərrüfatının fəaliyyəti sayəsində mümkün olub. Bu göstəricilər Qətər kənd təsərrüfatı sektorunun daxili tələbatı ödəmək və yerli xurma çeşidlərini artırmaq imkanlarını aydın şəkildə nümayiş etdirir.
Səudiyyə xurma növləri Fancy Food Show-da nümayş ediləcək
Qətərdə xurma istehsalının davamlı artımı kənd təsərrüfatında məhsuldarlığın yüksəldilməsinə, satış imkanlarının yaxşılaşdırılmasına və istehlakçıların yerli məhsullara yönəldilməsinə xidmət edən dövlət təşəbbüsləri ilə dəstəklənir. Bu fəaliyyətlərin başında duran əsas platformalardan biri Suq Vaqif meydanında keçirilən 11-ci Yerli Təzə Xurma Festivalıdır.
Səudiyyə Mədinə xurmasının xarici bazarlara çıxışı genişləndirilir
Bələdiyyə Nazirliyi və Suq Vaqif Administrasiyasının təşkilatçılığı ilə avqustun 10-dək davam edəcək bu tədbir yerli fermerlərə öz məhsullarını birbaşa təqdim etmək imkanı yaradır. Festivalın təşkili Bələdiyyə Nazirliyinin fermerləri dəstəkləmək, yerli məhsulların satışını genişləndirmək və Qətər xurmasının milli brend kimi mövqeyini möhkəmləndirmək siyasətinin tərkib hissəsidir.
Ən çox oxunan
Mütəşəkkil satış kanallarının genişlənməsi xurma satınalma proqramı çərçivəsində tədarük edilən məhsulun həcmində də özünü göstərir. Proqram çərçivəsində tədarük edilən xurmanın həcmi ilkin mərhələdəki 513 tondan 2025-ci ildə 860 tona yüksəlib. Bu artım analoji proqramların fermerlər üçün etibarlı satış kanalı yaratmaqdakı rolunu təsdiqləyir.
Həmçinin oxuyun
Artıq ənənəvi xarakter alan festivalda yüksək keyfiyyətli xurma növləri ilə yanaşı mövsümi meyvələr də təqdim olunur. Tədbir çərçivəsində gündəlik yarışlar, həvəsləndirici mükafatlar, mədəniyyət proqramları və maarifləndirmə tədbirləri təşkil edilir. Bələdiyyə Nazirliyi kənd təsərrüfatı sektorunun böyüməsinə paralel olaraq festivalın imkanlarını hər il daha da genişləndirməyi hədəfləyir.
