BAKI,VOA,Yusif Şərifzadə
2026-cı il dünya çempionatının 1/8 final mərhələsində keçiriləcək Meksika – İngiltərə qarşılaşmasının başlama vaxtının əlverişsiz hava şəraiti səbəbindən dəyişdiriləcəyi bildirilir.
VOA xəbər verir ki, Meksika mətbuatının məlumatına görə, qarşılaşmanın əvvəlcədən nəzərdə tutulduğu kimi yerli vaxtla saat 18:00-da deyil, saat 12:00-da başlaması planlaşdırılır.
Məlumata əsasən, qərarın qəbul edilməsinə səbəb oyunun keçiriləcəyi vaxt üçün proqnozlaşdırılan güclü fırtına riski olub. Rəsmi təsdiq hələlik verilməsə də, məlumat məsələ ilə tanış mənbələrə istinadən yayılıb.
Qarşılaşma Mexiko şəhərində yerləşən "Asteka" stadionunda keçiriləcək. Bu həftənin əvvəlində Meksika – Ekvador oyunu da güclü yağış səbəbindən gecikmə ilə başlamışdı.
