BAKI, AzerVoice
Dünyada 100 yaş və daha yuxarı təxminən 630 min insan yaşayır və bu insanların böyük əksəriyyəti yalnız 10 ölkədədir. Bu il 100 yaşını keçən insanlar, həqiqətən də bənzərsiz bir əsrə tanıq oldular. 1925-ci ildə doğan bu nəsil, penisilinlərin kəşfinə və TikTok-a qədər bir çox təəccüblü dəyişikliklərə şahid olub.
Birləşmiş Millətlər Təşkilatının son məlumatlarına görə, dünyada 100 yaş və daha yuxarı yaşda olan təxminən 630 min insan yaşayır. Bu insanlar əsasən 10 ölkəyə yayılmışdır. Bu ölkələr Asiya, Avropa və Şimali Amerikada yerləşir və hər biri öz iqtisadiyyatı, səhiyyə sistemi və sosial strukturları ilə fərqlənir.
Yaponiyada isə 100 yaşını keçmiş təxminən 123 min insan yaşayır. Yaponiyada qadınlar orta hesabla 88, kişilər isə 82 yaşına qədər yaşayırlar. Yaponiyanı 74 min nüfusla ABŞ izləyir. Onları Çin (49 min) və Hindistan (38 min) təqib edir.
Yaponiya, dünyada ən yüksək həyat gözləntilərinə sahib olan ölkələrdən biridir. Bu ölkənin yaşlanma, qidalanma və sağlam həyat tərzi ilə bağlı təcrübələri dünya üzrə nümunə götürülür.
Niderlan Demoqrafiya İnstitutunun professoru Solveig Cunningham, Yaponiyanı birinci sırada göstərərək, bunun əsas səbəblərinin düzgün qidalanma, məşq və sağlam həyat mühiti olduğunu bildirib. Lakin Cunningham, Yaponiyaya miqrasiya edən insanların sağlamlığını izləməyin və yerli əhali qədər yaxşı olub-olmamaqlarını görməyin də vacib olduğunu qeyd edib.
Çox uzun ömür, elm adamlarını həmişə təəccübləndirən bir mövzu olub. Bu barədə çoxlu kitablar, televiziya proqramları və özünə kömək kitabları yazılıb. Populyar izahlar arasında "mavi bölgələr" nəzəriyyəsi var. Bu nəzəriyyəyə görə, insanların uzun və sağlam həyat sürməsinin səbəbi sağlam qidalanma, aktiv həyat tərzi və güclü sosial əlaqələrdir.
