İordaniyanın Vəliəhd Şahzadəsi Hüseyn ibn Abdullah və xanımı, Səudiyyə Ərəbistanı mənşəli Şahzadə Rəcva Əl-Hüseyn bu həftə Əmmanda keçirilən universitetin məzuniyyət gününə qatılıblar. Şahzadə Rəcva tədbirə Yaponiyanın "Toga Archives" brendinə aid boz rəngli dəbdəbəli geyimdə təşrif buyurub. Şahzadə Əl-Hüseyn Texniki Universitetinin altıncı buraxılış məzunlarının tədbirində Vəliəhd Şahzadənin yanında əyləşib. Mərasimdə ölkənin 450 tələbəsinə diplomlar təqdim olunub.

Vəliəhd Şahzadə Hüseyn "Instagram" hesabında fotoları paylaşaraq məzunları və onların ailələrini təbrik edib, həmçinin universitet heyətinə son on ildəki fədakarlıqlarına görə minnətdarlığını bildirib.

Tədbir üçün Şahzadə Rəcva "Toga Archives" brendindən iri sivri yaxalı və boğaza qədər düymələnmiş naxışlı jakard köynək seçib. Geniş, yumşaq yığılmış qolları və tünd boz naxışları ilə bu köynək onun çiynində axıcı və zərif görünüş yaradıb.

O, bu köynəyi eyni brendin gümüşü pileli metallik ətəyi ilə kombinləyib. Zalın tünd qırmızı oturacaqları fonunda şahzadə çiyinlərinə tünd rəngli palto salıb.

View this post on Instagram

A post shared by Al Hussein bin Abdullah II (@alhusseinjo)

Şahzadə saçlarını arxadan yığaraq gicgah hissəsində bir neçə teltəl buraxıb, zinət əşyalarından isə yalnız sadə sırğalara üstünlük verib.

O, əlində tunsli modelyer Əzzəddin Əlayanın əsasını qoyduğu və hazırda belçikalı dizayner Piter Mulye tərəfindən idarə olunan Fransanın "Alaia" moda evinin qara parlaq keçiderisindən hazırlanmış "Le Teckel" klatç çantasını gəzdirib.

Şahzadə Rəcvanın bundan əvvəlki son ictimai görünüşü iyun ayında olub. Həmin vaxt o, Kral II Abdullah və Vəliəhd Şahzadə ilə birgə İordaniya milli futbol komandasının Mərakeşə qarşı keçirdiyi qarşılaşmanı tribunadan izləmişdi.

1994-cü ildə Ər-Riyadda Rəcva Xalid Əl-Seyf adı ilə dünyaya gələn şahzadə Nyu-Yorkdakı Sirakuza Universitetində memarlıq təhsili alıb və 2023-cü ilin iyununda Əmmanda Vəliəhd Şahzadə Hüseynlə ailə qurmazdan əvvəl Ər-Riyaddakı dizayn studiyasında çalışıb. Cütlüyün ilk övladı Şahzadə İman 2024-cü ilin avqustunda dünyaya gəlib.

Qızının ad günündə Vəliəhd Şahzadə "Instagram" səhifəsində səmimi bir paylaşım edib. O, "Bu gün İmanımın iki yaşı tamam olur! Tanrıdan onu hər zaman qorumasını, ona sağlamlıq və rifah bəxş etməsini diləyirəm. Ad günün mübarək!", – deyə yazıb.