BAKI,VOA
ABŞ Prezidenti Donald Tramp İrana qarşı davam edən hərbi əməliyyatların növbəti mərhələsi ilə bağlı strateji hədəfləri açıqlayıb. VOA xəbər verir ki, ABŞ prezidentinin bəyanatları müharibənin miqyasının daha da genişlənəcəyindən xəbər verir.
"Bizim ən böyük və ən güclü ordumuz hələ İranda qalan infrastrukturu məhv etməyə başlamayıb. İranda növbəti hədəf körpülər, daha sonra isə elektrik enerjisi istehsal edən stansiyalardır. İrandakı yeni rejimin rəhbərliyi nə edilməli olduğunu və bunun sürətlə tamamlanmalı olduğunu dərk edir."-deyə Tramp bildirib.
Trampın bu sözləri ABŞ-ın İrandakı mülki və strateji keçid nöqtələrini tamamilə iflic etmək niyyətində olduğunu göstərir. Körpülərin və enerji sisteminin hədəf alınması ölkə daxilində hərəkətliliyin və təchizatın kəsilməsi deməkdir. Prezidentin "yeni rejim rəhbərliyi"nə ünvanladığı mesaj isə birbaşa kapitulyasiya və ya Vaşinqtonun şərtlərinə dərhal əməl olunması tələbi kimi qiymətləndirilir.
