BAKI,VOA, Orxan Qədirzadə

ABŞ-ın müharibə naziri Pit Heqset İranın hərbi imkanlarının tamamilə sıradan çıxarıldığını və Tehranın atəşkəs üçün müraciət etdiyini bəyan edib.

VOA xəbər verir ki, Pit Heqset bildirib ki, İran tərəfi ağır hərbi zərbələrdən sonra atəşkəs əldə olunması üçün "yalvarıb". Heqsetin sözlərinə görə, ABŞ ordusu ilk gündən planlaşdırılan bütün strateji hədəflərə nail olub və İrana qarşı "sarsıdıcı" hərbi hücum həyata keçirilib.

Heqset vurğulayıb ki, hazırda İranın heç bir hava hücumundan müdafiə (HHM) sistemi qalmayıb və ABŞ regionun hava məkanına tam nəzarət edir. O, həmçinin İranın raket istehsalı zavodlarının tamamilə məhv edildiyini və ölkənin HHM sahəsindəki sənaye bazasına son qoyulduğunu qeyd edib. "İran artıq hər hansı müdafiə qabiliyyətinə malik deyil", - deyə nazir əlavə edib.

Qeyd edək ki, bu bəyanat ABŞ və İran arasında kövrək atəşkəs xəbərlərinin yayıldığı bir vaxtda verilib.