Anthropic Tramp administrasiyası ilə münasibətlərini yaxşılaşdırıb
ABŞ-nin ticarət naziri Hovard Latnik “Anthropic” şirkətinin Tramp administrasiyası ilə münasibətlərinin yaxşılaşdığını açıqlayıb. Nazir şirkətin yenidən administrasiyanın etimadını qazandığını bildirib. Tərəflər arasında daha əvvəl süni intellektin hərbi məqsədlərlə istifadəsi ilə bağlı ciddi fikir ayrılığı yaranmışdı. “Anthropic” öz süni intellekt sistemlərinin ölkədaxili müşahidə və insan müdaxiləsi olmadan fəaliyyət göstərən silahlarda istifadəsinə qarşı çıxmışdı. Bundan sonra şirkətin bəzi hərbi müqavilələrdə iştirakı məhdudlaşdırılmışdı. “Anthropic” qərara qarşı məhkəməyə müraciət etmişdi. ABŞ hakimi bir neçə gün əvvəl şirkətin xeyrinə qərar verib. Son açıqlamalar şirkətlə Tramp administrasiyası arasında münasibətlərin yumşaldığını göstərir.
ABŞ-də yüksək hərbi vəzifələrdə dəyişikliklər davam edir
ABŞ Prezidenti Donald Tramp Hünq Kaonu Hərbi Dəniz Qüvvələri naziri vəzifəsinə namizəd göstərəcəyini açıqlayıb. Hünq Kao hazırda həmin vəzifəni müvəqqəti icra edir. Tramp onun Hərbi Dəniz Qüvvələri və Dəniz Piyadaları Korpusunun rəhbərliyi üçün uyğun namizəd olduğunu bildirib. ABŞ Prezidenti Senatı namizədliyi mümkün qədər tez təsdiqləməyə çağırıb. Hünq Kaonun sələfi Con Felan aprel ayında vəzifəsindən ayrılıb. Quru Qoşunları naziri Den Driskoll da bazar ertəsi istefa ərizəsi təqdim edib. Onun müdafiə naziri Pit Heqsetlə münasibətlərində gərginlik olduğu barədə məlumatlar yayılmışdı. Vyetnamda anadan olan Hünq Kao 1975-ci ildə qaçqın kimi ABŞ-yə köçüb.
ABŞ-ın hücumları nəticəsində bir ildə neçə mülki şəxs həlak olub?
ABŞ Müdafiə Nazirliyinin Konqresə təqdim etdiyi hesabat 2025-ci ildə ABŞ qüvvələrinin həyata keçirdiyi hava zərbələri nəticəsində çox sayda mülki şəxsin öldüyünü və yaralandığını ortaya qoyub. Hesabatda xüsusilə Yəməndə həyata keçirilən üç hava hücumunda 150-dən çox mülki şəxsin öldüyü, 240-dan çox insanın isə yaralandığı bildirilib. Sənəd ABŞ ordusunun müharibə qanunlarına əməl etmək və mülki əhalinin zərər görməsinin qarşısını almaq istiqamətində “güclü göstəricilərə” malik olduğunu vurğulasa da, “Human Rights Watch” (HRW) bu yanaşmanı tənqid edib.
Pentaqon raketdən müdafiə vasitələrinin istehsalını artırmaq üçün yeni sazişlər bağlayıb
ABŞ Müdafiə Nazirliyi raketdən müdafiə vasitələrinin istehsalını artırmaq üçün “Boing” və “RTX” şirkətləri ilə çərçivə sazişləri bağlayıb. Sazişlər “SM-3 Blok 2A” və “SM-3 Blok 1B” raket əleyhinə vasitələr üçün hissələrin istehsalının artırılmasını nəzərdə tutur. Bu vasitələr gəmilərdən buraxılır və “Aegis” ballistik raketlərdən müdafiə sisteminin əsas elementlərindən hesab olunur. Qərar Pentaqonun ABŞ müdafiə sənayesinə silah istehsalını sürətləndirmək çağırışından sonra qəbul edilib. İranla uzunmüddətli müharibə fonunda ABŞ-ın sursat ehtiyatlarının vəziyyəti diqqət mərkəzinə düşüb. Bəzi hücum və müdafiə təyinatlı silahların ehtiyatlarının təhlükəli dərəcədə azaldığı barədə məlumatlar yayılıb. Ağ Ev isə ABŞ ordusunda sursat çatışmazlığı yarandığını inkar edib. Yeni sazişlərin məqsədi ABŞ-ın raketdən müdafiə imkanlarını və silah istehsalı gücünü artırmaqdır.
ABŞ-nin müharibəni davam etdirmək üçün kifayət qədər sursatı var - Pentaqon
Pentaqon rəsmisi Cerred Konli ABŞ ordusunun İranla müharibəni davam etdirmək üçün kifayət qədər sursata malik olduğunu bildirib. Açıqlama ABŞ-nin bəzi mühüm hərbi sursat ehtiyatlarının azaldığına dair məlumatlar fonunda verilib. Xüsusilə ballistik raketlərin qarşısını almaq üçün istifadə olunan raketlərin ehtiyatı ilə bağlı narahatlıqlar mövcuddur. Konli ABŞ ordusunun hazırkı vəzifələri yerinə yetirmək üçün kifayət qədər sursatının olduğunu deyib. Onun sözlərinə görə, Müdafiə Nazirliyi müharibəni davam etdirmək üçün lazım olan bütün vasitələrə malikdir. Pentaqon rəsmisi bununla ABŞ-nin hərbi imkanları ilə bağlı narahatlıqlara cavab verib. Bununla belə, ayrı-ayrı sursat növlərinin ehtiyatları barədə məlumat açıqlanmayıb. ABŞ-nin hava hücumundan müdafiə vasitələrinin ehtiyatlarının vəziyyəti diqqət mərkəzində qalır.
Pentaqon İran müharibəsində itkilərin hesablanma üsulunu niyə dəyişdi?
ABŞ Müdafiə Nazirliyi (Pentaqon) İranla müharibə zamanı amerikalı hərbçilərin ölümü və yaralanması ilə bağlı statistikanın hesablanması qaydasını dəyişib. ABŞ mediasının yazdığına görə, yeni sistem itkilərin ümumi sayının ictimaiyyətə daha aşağı göstərilməsinə səbəb ola bilər.
İran atəşkəs üçün yalvarıb - ABŞ-ın müharibə naziri
ABŞ-ın müharibə naziri Pit Heqset İranın hərbi imkanlarının tamamilə sıradan çıxarıldığını və Tehranın atəşkəs üçün müraciət etdiyini bəyan edib. Pit Heqset bildirib ki, İran tərəfi ağır hərbi zərbələrdən sonra atəşkəs əldə olunması üçün "yalvarıb". Heqsetin sözlərinə görə, ABŞ ordusu ilk gündən planlaşdırılan bütün strateji hədəflərə nail olub və İrana qarşı "sarsıdıcı" hərbi hücum həyata keçirilib.
ABŞ İsrailə 25 ədəd yeni F-15IA qırıcı təyyarəsinin tədarükünü təsdiqlədi
ABŞ Müdafiə Nazirliyi (Pentagon) İsrailin F-15IA qırıcı təyyarələri proqramı çərçivəsində “Boeing” şirkəti ilə 8,6 milyard dollarlıq müqavilənin bağlandığını açıqlayıb. Müqavilə İsrail Hərbi Hava Qüvvələri üçün 25 ədəd yeni F-15IA təyyarəsinin layihələndirilməsi, inteqrasiyası, sınaqları, istehsalı və təhvil verilməsini, eyni zamanda əlavə 25 təyyarə üçün opsionu əhatə edir.
ABŞ Livana 90,5 milyon dollarlıq hərbi texnika satışını təsdiqləyib
ABŞ Dövlət Departamenti Livana 90,5 milyon dollar dəyərində orta sinif taktiki hərbi nəqliyyat vasitələrinin mümkün satışına razılıq verib. Açıqlamada bildirilir ki, sözügedən taktiki vasitələrin və əlaqəli avadanlıqların satışı Livan Silahlı Qüvvələrinin mövcud və gələcək təhlükələrlə mübarizə qabiliyyətini artıracaq, həmçinin ölkənin terrorla mübarizə fəaliyyətlərinin daha effektiv həyata keçirilməsinə imkan verəcək.
ABŞ Çinlə münaqişə ehtimalına qarşır raket istehsalının artırılmasını istəyir
ABŞ Müdafiə Nazirliyi (Pentaqon) müdafiə sənayesi şirkətlərindən ehtimal olunan Çinlə münaqişə ssenarisinə hazırlıq məqsədilə raket istehsalını iki və ya dörd dəfə artırmağı tələb edib. Pentaqon ən çox tələbat olan 12 əsas silah sisteminin istehsalına xüsusi diqqət yetirilməsini istəyir. Bu məsələ yüksək səviyyəli görüşlərdə Pentaqon rəhbərliyi ilə ABŞ-ın aparıcı raket istehsalçılarının rəhbərləri arasında müzakirə olunub.
Tramp “Müdafiə Nazirliyi”nin adını “Müharibə Nazirliyi” ilə əvəzləyən fərman imzalayıb
ABŞ Prezidenti Donald Tramp, Müdafiə Nazirliyinin adının “Müharibə Nazirliyi” olaraq dəyişdirilməsini nəzərdə tutan prezident fərmanına imza atıb. O bildirib ki, yeni qərarın qüvvəyə minməsi üçün Konqresdə hüquqi dəyişikliklərin edilməsi tələb olunur və bu istiqamətdə müraciətlər ediləcək.
ABŞ Müdafiə Nazirliyinin adını Müharibə Nazirliyinə dəyişdirməyi planlaşdırır
ABŞ prezidenti Donald Trampın administrasiyası Müdafiə Nazirliyinin (Pentaqon) adını dəyişərək onu “Müharibə Nazirliyi” adlandırmağı planlaşdırır. Hökumətin ən böyük qurumuna yenidən “Müharibə Nazirliyi” adının verilməsi üçün Konqresin qərarı lazım ola bilər. Bununla belə, Ağ Ev bu dəyişikliyi həyata keçirmək üçün alternativ yolları da araşdırır. Florida ştatından respublikaçı konqresmen Qreq Stiub illik müdafiə siyasəti qanun layihəsinə düzəliş təqdim edib. Bu dəyişiklik Pentaqonun adının dəyişdirilməsini nəzərdə tutur ki, bu da Konqresdə müəyyən respublikaçı dəstəyinin mövcudluğunu göstərir. Ağ Ev əlavə təfərrüat açıqlamayıb, amma Trampın ötən həftə ABŞ ordusunun hücum qabiliyyətlərinə diqqət çəkən bəyanatına istinad edib. Ağ Evin sözçüsü Anna Kelli bildirib: “Prezident Trampın da qeyd etdiyi kimi, ordumuz yalnız müdafiəyə deyil, hücuma da fokuslanmalıdır. Buna görə də o, Pentaqonda müxtəliflik, bərabərlik və inklüzivlikdən daha çox döyüşçülərə önəm verdi.”
