BAKI,VOA, Fərid Mikayılov
İranın BMT-dəki daimi nümayəndəsi Səid İrəvani Səudiyyə Ərəbistanı, Qətər, Birləşmiş Ərəb Əmirlikləri, Bəhreyn və İordaniyadan təzminat tələb etdiklərini bildirib.
VOA xəbər verir ki, İrəvani bu məsələ ilə bağlı BMT-nin Baş katibi Antonio Quterreşə və Təhlükəsizlik Şurasının sədrinə rəsmi məktub ünvanlayıb.
Bildirilib ki, məktubda adı çəkilən ölkələrin ABŞ və İsrailin İrana qarşı həyata keçirdiyi hücumlarda iştirak etdikləri və ərazilərindən istifadə olunmasına şərait yaratdıqları iddia olunur.
Qeyd olunub ki, İran tərəfi bu fəaliyyətlərin beynəlxalq öhdəliklərin pozulması olduğunu vurğulayaraq, ölkəyə dəyən maddi və mənəvi ziyanın ödənilməsini tələb edir.
Xatırladılıb ki, İran daha əvvəl də bəzi Körfəz ölkələrinin hava məkanı və ərazilərinin hərbi əməliyyatlar üçün istifadə edildiyini iddia edən hesabatı BMT-yə təqdim etmişdi.
