Bakı. AzerVoice:
Türkiyədə 18 və daha yuxarı yaşda xoşbəxt olduğunu bəyan edən əhalinin nisbəti 2022-ci ildə 49,7% olduğu halda, 2023-cü ildə 52,7%-ə çatıb.
Bu barədə AzerVoice-a Türkiyə Rəsmi Statistika Komitəsindən (TÜİK) bildirilib.
Məlumata əsasən, xoşbəxt olmadıqlarını bəyan edən şəxslərin nisbəti 2022-ci ildə 15,9% olduğu halda, 2023-cü ildə azalaraq 13,7%-ə düşüb.
Məlumatda o da qeyd edilib ki, xoşbəxt olduğunu bildirən kişilərin nisbəti 2022-ci ildə 46,5% olub ki, bu göstərici 2023-cü ildə 50,3%-ə yüksəlib. Qadınlar üçün bu nisbət 2022-ci ildə 52,7%, 2023-cü ildə isə 55,1% təşkil edib.
Bundan əlavə, evli şəxslərin subaylara nisbətən daha xoşbəxt olduğu müşahidə edilib.
“2023-cü ildə xoşbəxt olduğunu bildirən evli fərdlərin nisbəti 56,4% ikən, evli olmayanlar üçün bu nisbət 45,8% olub. Evli insanların xoşbəxtlik səviyyəsi cinsinə görə araşdırıldığında, evli kişilərin 53,2%-nin, evli qadınların 59,5%-nin xoşbəxt olduğu müşahidə edilib”, – deyə hesabatda vurğulanıb.
Türkiyədə əhalinin xoşbəxtlik səviyyəsi yaş qruplarına görə araşdırıldığında isə 18-24 yaş qrupunda xoşbəxtlik nisbəti 2022-ci ildə 47,9% olduğu halda, 2023-cü ildə artaraq 54,0%-ə çatıb.
“55 və daha yuxarı yaşda olan fərdlərdə xoşbəxtlik nisbətinin azaldığı müşahidə edilib. 55-64 yaş qrupunda xoşbəxtlik nisbəti əvvəlki ilə nisbətən azalaraq 49,7% olaraq qiymətləndirilib. 65 və yuxarı yaşda olan şəxslər üçün bu, 2022-ci ildə 57,7% olduğu halda, 2023-cü ildə 56,0%-ə enib”, – deyə statistikada qeyd edilib.
“55 və daha yuxarı yaşda olan fərdlərdə xoşbəxtlik nisbətinin azaldığı müşahidə edilib. 55-64 yaş qrupunda xoşbəxtlik nisbəti əvvəlki ilə nisbətən azalaraq 49,7% olaraq qiymətləndirilib. 65 və yuxarı yaşda olan şəxslər üçün bu, 2022-ci ildə 57,7% olduğu halda, 2023-cü ildə 56,0%-ə enib”, – deyə statistikada qeyd edilib.
