Bakı. AzerVoice
Azərbaycan Xarici İşlər Nazirliyi ABŞ-nin Yeni Orlean şəhərində onlarla insanın ölümü və yaralanması ilə nəticələnən hücumu pisləyib.
AzerVoice xəbər verir ki, bu barədə Azərbaycan XİN "X" sosial şəbəkəsində yazıb.
"ABŞ-ın Yeni Orlean şəhərində onlarla insanın ölümünə və yaralanmasına səbəb olan kütləyə avtomobillə hücumunu şiddətlə qınayırıq. Düşüncələrimiz və dualarımız qurbanlar, onların ailələri və yaxınları ilədir", - deyə qeyd olunub.
Xatırladaq ki, hadisə yanvarın 1-də Nyu Orleanda baş verib. İlkin məlumatlara görə, toqquşma nəticəsində azı 10 nəfər ölüb, 35-dən çox insan yaralanıb.
