Bakı, AzerVoice

Avropa İttifaqını düşdüyü çıxılmaz vəziyyətdən, iqtisadiyyatdan müdafiəyə, siyasətdən beynəlxalq nüfuza qədər yalnız Türkiyə və Türkiyənin tamhüquqlu üzvlüyü xilas edə bilər.

AzerVoice xəbər verir ki, bu sözlər Türkiyə prezidenti Rəcəb Tayyib Ərdoğanın açıqlamasında yer alıb.

Ərdoğan, Avropa demokratiyasında yaranan boşluğun, son seçkilərdə də göründüyü kimi, ifrat sağçı demaqoqların doldurduğunu qeyd edərək, Avropa İttifaqını düşdüyü çıxılmaz vəziyyətdən yalnız Türkiyənin xilas edəcəyini bildirib.

"İfrat sağçı hərəkatlar bu gün Avropada siyasətin həlledici faktorlarına çevrilib. Bunun əsas səbəblərindən biri Avropanın mərkəzi siyasətinin zamanın ruhunu düzgün oxuya bilməməsidir. Liberal demokratiya ciddi böhrana səbəb olub. Bir dövrün dərmanı kimi göstərilən liberal demokratiya əvvəlki gücünü itirib. İnsanlara inam aşılamaq kifayət deyil. Bu gün Qərbdə vəziyyət belədir. Son seçkilərdə də gördüyümüz kimi, yerləri ifrat sağçılar doldurur",- deyə Ərdoğan bildirib.

Ərdoğan qeyd edib ki, Qərb Qəzzada 61 mindən çox mülki şəxsin qətlə yetirilməsini seyr edərkən uğursuzluğa düçar olub. Reputasiya və etibar itkisini yığmaq mümkün deyil.

"Biz Avropa ilə münasibətlərimizi köhnə ritmində saxlamağa önəm veririk. Həmişə olduğu kimi, biz konstruktiv yanaşma ilə üzvlük prosesimizi inkişaf etdirmək istəyirik. Aİ və Aİ-yə rəhbərlik edən ölkələr yanlış hərəkətlərdə israr etməyi dayandırmalıdırlar"- deyə o bildirib.