Bakı. AzerVoice:

İsrailin Nafha həbsxanasında saxlanılan fələstinli Xalid əl-Şaviş həyatını itirib.

AzerVoice-un məlumatına görə, Fələstinli Əsirlər Dərnəyi ilə Fələstin Azadlıq Təşkilatına bağlı Əsir və Azad Heyətinin birgə bəyanatına görə, onlara 53 yaşlı fələstinli Şavişin həyatını itirdiyi bildirilib.

Açıqlamada, Şavişin işğal altındakı İordan çayının qərb sahilinin şimalındakı Tubas şəhəri yaxınlığındakı Nafha həbsxanasında dünyasını dəyişdiyi ifadə edilib.

Açıqlamaya görə, Qəzza zolağına hücumların başladığı 7 oktyabr 2023-cü ildən bəri İsrail həbsxanalarında həyatını itirən fələstinlilərin sayı 9-a çatıb.

Fələstin rəsmilərinin açıqlamalarına görə, İsrail oktyabrın 7-dən bəri qisas əməliyyatları çərçivəsində həbsxanalardakı fələstinliləri “aclıq, təcrid və tibbi laqeydlik” kimi pozuntulara məruz qoyur.

Qeyd edək ki, ötən ilin oktyabrın 7-dən indiyədək Qəzza zolağında ölənlərin ümumi sayı 29 min 195-ə yüksəlib.

Aytac Süleymanova

Twitter: a_alieva_