Bakı, AzerVoice
Oktyabrın 31-də Qəzza zolağında İsrail Müdafiə Qüvvələrinin hücumları nəticəsində ən azı 95 fələstinli həyatını itirib.
AzerVoice-in məlumatına görə, bu barədə Qətərin "Əl-Cəzirə" telekanalı xəbər yayıb.
Bildirilir ki, Qəzzanın şimal hissəsinə edilən çoxsaylı hava zərbələri nəticəsində azı 75 fələstinli həlak olub, sektorun digər bölgələrində isə daha 20 nəfər ölüb.
Fələstin anklavının Səhiyyə Nazirliyinin Telegram kanalında yayımladığı açıqlamada, İsrailin 2023-cü ilin oktyabrından Qəzzada başladığı əməliyyatlar nəticəsində həlak olanların ümumi sayının 43 204 nəfərə çatdığı, yaralıların isə 101 641 nəfər olduğu bildirilir.
