Bakı. AzerVoice:
İrlandiya Fələstin Dövlətini rəsmi şəkildə tanıyıb.
AzerVoice xəbər verir ki, bu barədə İrlandiya Nazirlər Şurasının iclasından sonra mətbuata verilən açıqlamada qeyd edilib.
"İrlandiya hökuməti Fələstini "suveren və müstəqil dövlət" kimi tanıyır və Dublin ilə Ramallah arasında diplomatik əlaqələr qurulacaq", - deyə məlumatda bildirilib.
Bundan əlavə, işğal altındakı İordan çayının qərb sahilində yerləşən Ramallah şəhərində İrlandiyanın Fələstin Dövlətinə səfiri təyin olunacaq və İrlandiya səfirliyi açılacaq.
Qeyd edək ki, Fələstin dövləti hazırda BMT-yə üzv olan 193 ölkədən 146-sı tərəfindən rəsmən tanınıb.
