BAKI, AzerVoice
İsrail Ordusu Qəzza zolağının şimal və cənub bölgələrində genişmiqyaslı quru əməliyyatına başladığını elan edib.
AzerVoice xəbər verir ki, bu barədə ordunun mətbuat xidməti məlumat yayıb.
Məlumata əsasən, əməliyyata “Gideonun Arabaları” adı verilib.
Bildirilib ki, son bir həftə ərzində İsrail Hərbi Hava Qüvvələri, quru əməliyyatlarını dəstəkləmək məqsədilə HƏMAS-ın Qəzza zolağında yerləşən 670-dən çox obyektinə zərbələr endirib.
ABŞ Dövlət katibi Marko Rubio, İsrailin Qəzzadakı əməliyyatını genişləndirməsini pisləməkdən imtina edib.
Mənbələrə görə, bu yeni əməliyyat nəticəsində Qəzzadan 1,8 milyon nəfərin köç edə biləcəyi ehtimal olunur.
