BAKI, AzerVoice

Ümumdünya Ərzaq Proqramı (WFP) Qəzza zolağında ehtiyacı olan ailələrə həyati əhəmiyyət daşıyan yardımları birbaşa və geniş şəkildə çatdırmağa hazır olduğunu bəyan edib.

AzerVoice xəbər verir ki, bu barədə qurumun X sosial şəbəkəsində etdiyi paylaşımda deyilir.

Qurum, Qəzzaya gündə ən azı 100 yardım maşınının daxil edilməsinə çağırıb. Eyni zamanda, yardımın Qəzzanın şimalı, mərkəzi və cənubuna təhlükəsiz şəkildə çatdırılması üçün daha çox keçid yolunun təmin olunmasını tələb edib.

Təşkilat, yardım maşınlarının marşrutları və yardım paylama məntəqələri yaxınlığında silahlı şəxslərin olmamasının vacibliyini vurğulayıb və Qəzzada dərhal və daimi atəşkəsin təmin olunması çağırışı ilə çıxış edib.

Xatırladaq ki, HƏMAS dünən Qəzza zolağında atəşkəslə bağlı vasitəçilərin təklifini qəbul etdiyini açıqlayıb. İsrail Baş naziri Benyamin Netanyahunun ofisi də təsdiqləyib ki, danışıqlar heyəti iu=yulun 6-da Qətərə yola düşəcək.