BAKI, AzerVoice, Fərid Mikayılov
İsrailin müdafiə naziri İsrael Katz Suriyanın işğal altında saxlanılan Hermon dağından paylaşım edərək bölgədən geri çəkilməyəcəklərini açıqlayıb.
AzerVoice xəbər verir ki, bu barədə Katz X sosial media hesabından paylaşım edib.
o, Əsgərlərlə birlikdə çəkilmiş fotosunu yayımlayaraq, “Hermon’dan ayrılmayacağıq” mesajını verib.
İsrail ordusu, Suriyada Bəşşar Əsəd rejiminin devrilməsindən sonra qurulan yeni hakimiyyətə qarşı əməliyyatlara başlayıb. Bu əməliyyatlar nəticəsində sərhəd xəttində yerləşən bir sıra bölgələr işğal edilib. Onların arasında hərbi-strateji baxımdan xüsusi əhəmiyyətə malik Hermon dağı da var.
İsrailin Suriyada işğal siyasətini davam etdirməsi bölgədə gərginliyi daha da artırır. Hermon dağının strateji mövqeyi səbəbindən bölgə həm siyasi, həm də hərbi baxımdan regional qüvvə balansında önəmli rol oynayır.
