BAKI,AzerVoice
ABŞ Prezidenti Donald Tramp Qəzza üzrə 20 maddədən ibarət geniş planını elan etdikdən bir neçə saat sonra HƏMAS-a bu planı qəbul etmək üçün üç-dörd günlük vaxt verdiyini bildirib və razılıq olmadığı təqdirdə nəticənin “çox kədərli” olacağını xəbərdarlıq edib.
Tramp Virciniya ştatında hərbi bazaya səfərindən əvvəl HƏMAS-ın müharibənin ağır qiymətini ödədiyini, müxtəlif tərəflərin razılaşdığı planı qəbul etməli olduğunu və “terrorçulardan təmiz, yenilənmiş Qəzza” dövrünə başlamaq lazım olduğunu vurğulayıb. O əlavə edib ki, bu yenidənqurma Qəzza sakinlərinin xeyrinə olacaq.
“Onlar 2023-cü il 7 oktyabr hadisələrindən sonra ağır qiymət ödəyiblər-liderləri öldürülüb, itkilər böyük oldu. Ümid edirik ki, onlar yaxşı işlərə malik bir həyat qazana bilərlər; bu baş verərsə, Yaxın Şərqdə həqiqi sülhün əldə edilməsində ən böyük nailiyyətlərdən biri olacaq.”-deyə Trump bildirib.
O qeyd edib ki,bu planla bütün ərəb ölkələri, islam ölkələri, eləcə də İsrail razıdır. “Biz yalnız HƏMAS-ı gözləyirik.Ya HƏMAS razılaşacaq, ya da razılaşmayacaq. Əgər razılaşmazsa, nəticə çox kədərli olacaq”-deyə Tramp bildirib.
Təklif dayanıqlı atəşkəs, HƏMAS-ın əlində qalan israilli girovların buraxılması qarşılığında İsrail həbsxanalarındakı fələstinli məhbusların azad edilməsi, İsrail ordusunun Qəzzadan mərhələli çəkilməsi və HƏMAS-ın silahsızlaşdırılmasını nəzərdə tutur. Həmçinin plan Qəzzanın idarə olunmasına beynəlxalq nəzarətdə müəyyən çərçivə daxilində texnokrat fələstinlilərdən ibarət keçid rəhbərliyinin təyin edilməsini təklif edir.
