BAKI, AzerVoice, Nailə Babazadə
Qəzza blokadasını yarmaq və humanitar yardım çatdırmaq üçün yola çıxan Əzm Flotiliyasına hücum edən İsrail ordusu, flotilyadaki son qayıq olan “Marinette”ni də qeyri-qanuni şəkildə ələ keçirib.
AzerVoice xəbər verir ki, "Marinette" gəmisindən yayımlanan canlı efirdə İsrail donanmasına məxsus bir gəminin yanaşdığı görünüb.
Bu zaman aktivistlər hazırlıqlara başlayaraq telefonlarını suya atmağa başlayıblar.
Əzm Flotiliyası Türkiyə Mətbuat Ofisinin yaydığı yazılı açıqlamada bildirilib ki, “Marinette” gəmisinə saat 10:30 radələrində beynəlxalq sular daxilində İsrail ordusu tərəfindən müdaxilə olunub və İsrail əsgərləri gəmidəki heyəti saxlayıb.
Açıqlamada bu hadisənin canlı yayımla sənədləşdirildiyi vurğulanıb və saxlanılan aktivistlərin dindirilmələrdən sonra Negev səhrasındakı Qəzza ilə Misir arasında yerləşən Ketziot Həbsxanasına aparıldığı qeyd olunub.
Dünən aktivistlərin dindirilməsinə müşayiət edən “Adalah” hüquq təşkilatının vəkillərinin onlarla görüşmək üçün həbsxanaya yollandığı bildirilib və sorğularla bağlı məlumatlar paylaşılıb.
Saat 14:00-da başlayan dindirmələrin fasiləsiz olaraq 15 saat davam etdiyi, bəzi aktivistlərin aclıq aksiyasına başladığı qeyd olunub.
Saxlanılan fəalların əhvalının yüksək olduğu bildirilsə də, dünən heç bir iştirakçıya yemək və içki verilmədiyi də açıqlamada vurğulanıb.
Bəzi şəxslərin "Təcili Çıxış Tələbi" sənədini imzaladığı, bu sənədi imzalayanların deportasiya prosesinin sürətlənə biləcəyi, imzalamayanların isə İsrail qanunlarına əsasən 72 saata qədər saxlanıla biləcəyi qeyd olunub.
Bəyanatda bu gün diplomatik səfərlərə üstünlük veriləcəyi, konsulluq nümayəndələrinin ziyarətləri zamanı vəkillərin də icazə almaq üçün gözləyəcəkləri bildirilib.
Adı açıqlanmayan iki israilli nazirin aktivistləri ziyarət etdiyi, Londra və Madridə mümkün kütləvi deportasiya ilə bağlı isə hələlik dəqiq məlumat olmadığı bildirilib.
Açıqlamada həmçinin, nümayəndə heyətlərinin Tel-Əviv, İordaniya və ya Misir üzərindən mümkün deportasiya ehtimalına qarşı hazırlıq gördüyü qeyd olunub.
