BAKI, AzerVoice, Nailə Babazadə
Qəzzadakı Fələstin Səhiyyə Nazirliyi 3 yaşdan kiçik uşaqlar üçün tamamlama peyvəndi kampaniyasının başladığını elan edib.
AzerVoice xəbər verir ki, Nazirliyin açıqlamasına görə, kampaniya Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İnfrastruktur Agentliyi (UNRWA), Fələstin Qızıl Aypara Cəmiyyəti, BMT-nin Beynəlxalq Uşaqlara Yardım Fondu (UNICEF) və Dünya Səhiyyə Təşkilatının (DST) dəstəyi ilə həyata keçiriləcək.
Kampaniya 9 noyabr 2025-ci il tarixində başlayacaq və hər biri arasında bir ay interval olmaqla üç mərhələdə, ümumilikdə 10 gün davam edəcək.
Peyvənd kampaniyasının Qəzza Zolağının bütün şəhərlərində, nazirliyə bağlı mərkəzlər və UNRWA, Fələstin Qızıl Aypara Cəmiyyəti və beynəlxalq təşkilatların dəstəyi ilə fəaliyyət göstərən ümumilikdə 150 səhiyyə mərkəzində həyata keçiriləcəyi bildirilib.
Açıqlamada Qəzza sakinlərinə uşaqlarını eksik peyvənd dozasını tamamlatmaq üçün müəyyən edilmiş mərkəzlərə gətirmələri və səhiyyə komandaları ilə əməkdaşlıq etmələri çağırışı edilib.
