BAKI,AzerVoice
Səudiyyə Ərəbistanı və Misir Sudanda dərhal atəşkəsə nail olunmasının və ölkənin birliyini, suverenliyini qoruyacaq hərtərəfli siyasi prosesin başlamasının vacibliyini bir daha vurğulayıb.AzerVoice xəbər verir ki, tərəflər arasında baş tutan telefon danışığı zamanı Səudiyyə XİN rəhbəri Faysal bin Fərhan və Misirin xarici işlər naziri Bədr Əbdülati Fəşirdə baş verən qətliamları pisləyib və Sudan xalqına beynəlxalq dəstəyin artırılmasına çağırıblar.
Rəsmi Riyad, son aylarda narkotik qaçaqmalçılığı ilə mübarizədə irəliləyişə görə Livan ilə ticarət əlaqələrinin yaxşılaşdırılması üçün addımlar atacağını da bildirib.
Tərəflər həmçinin Qəzzada Şarm əl-Şeyx sülh razılaşmasının tam icrası, humanitar vəziyyətin yaxşılaşdırılması və daimi atəşkəsə nail olunması üçün koordinasiyanın davam etdiriləcəyini təsdiqləyiblər.
