BAKI,VOA, Nailə Babazadə
İsrail ordusunun Qəzza şəhərinin cənubunda yerləşən Zeytun məhəlləsini pilotsuz uçuş aparatı (PUA) ilə hədəf alması nəticəsində 3 nəfər dünyasını dəyişib.
VOA xəbər verir ki, Fələstinin rəsmi WAFA agentliyinin yaydığı məlumata görə, Şafii məscidi yaxınlığında toplaşan mülki şəxslərə endirilən zərbə zamanı çox sayda insan yaralanıb. Yaralılar arasında vəziyyəti ağır olanların olduğu bildirilir.
Hadisə şahidlərinin verdiyi məlumata görə, İsrail qüvvələri eyni zamanda Qəzza şəhərinin şərqindəki Tuffah məhəlləsində bəzi bina və obyektləri partladaraq məhv edib. Artilleriya birlikləri isə Qəzza zolağının mərkəzi və cənub hissələrində yerləşən Deyr əl-Bəlah və Xan Yunus şəhərlərini intensiv atəşə tutub. Bölgədəki gərginlik və infrastrukturun dağıdılması prosesi davam edir.
