BAKI,VOA, Fərid Mikayılov
Səudiyyə Ərəbistanı Silahlı Qüvvələri gecə saatlarından etibarən ölkə ərazisinə istiqamətlənən ciddi hava hücumunun qarşısını alıb.
VOA xəbər verir ki, Müdafiə Nazirliyinin rəsmi məlumatına görə, İran tərəfindən atılan 11 ballistik raket havada zərərsizləşdirilib.
Krallığın hava hücumundan müdafiə bölmələri gecə yarısından başlayan hücum dalğasını uğurla dəf edib.
Məlumata görə, hədəfə çatmadan məhv edilən raketlərin qalıqları yaşayış məntəqələrindən kənara düşüb. İlkin dəyərləndirmələrə görə, hadisə nəticəsində ciddi dağıntı və ya insan itkisi qeydə alınmayıb.
