BAKI,VOA, Nailə Babazadə
Körfəz Əməkdaşlıq Şurasının (KƏŞ) Baş katibi Casem Albudaiwi bazar ertəsi günü Riyadda Ukraynanın Səudiyyə Ərəbistanındakı səfiri Anatoli Petrenko ilə görüşüb.
VOA xəbər verir ki, görüş zamanı tərəflər arasında 2025-2030-cu illəri əhatə edən Birgə Fəaliyyət Planı əsasında KƏŞ və Ukrayna arasında qarşılıqlı maraq doğuran sahələrdə əməkdaşlıq əlaqələri və bu əlaqələrin gücləndirilməsi yolları müzakirə edilib.
SPA agentliyinin məlumatına görə, tərəflər həmçinin bir sıra regional və beynəlxalq məsələlər ətrafında fikir mübadiləsi aparıblar. Baş katib görüşdə KƏŞ-in Ukrayna-Rusiya böhranı ilə bağlı mövqeyini bir daha vurğulayıb. O bildirib ki, bu mövqe beynəlxalq hüquq prinsiplərinə, BMT Nizamnaməsinə, dövlətlərin suverenliyinə, ərazi bütövlüyünə və siyasi müstəqilliyinə hörmət, daxili işlərə qarışmamaq və gücdən istifadə etməmək prinsiplərinə əsaslanır.
