BAKI,VOA, Fərid Mikayılov
Səudiyyə Ərəbistanı ilə İsveçrə arasında əməkdaşlığın genişləndirilməsi gündəmdədir.
VOA xəbər verir ki, Məhəmməd bin Salman Ciddə şəhərində Gi Parmelin ilə görüş keçirib.
Görüş zamanı iki ölkə arasında müxtəlif sahələr üzrə əməkdaşlığın mövcud vəziyyəti nəzərdən keçirilib, xüsusilə investisiya istiqamətində yeni imkanlar müzakirə olunub.
Tərəflər qarşılıqlı iqtisadi əlaqələrin inkişaf etdirilməsi üçün perspektivli sahələri müəyyənləşdiriblər.
Bununla yanaşı, regional və qlobal gündəmdə olan məsələlər, eləcə də bu istiqamətdə koordinasiyalı fəaliyyət imkanları müzakirə edilib.
Görüşdə hər iki ölkənin yüksək səviyyəli rəsmiləri iştirak edib və iqtisadi əməkdaşlıqla yanaşı təhlükəsizlik və beynəlxalq məsələlər üzrə fikir mübadiləsi aparılıb.
