BAKI,VOA,Yusif Şərifzadə
İşğal altındakı İordan çayının qərb sahilində İsrail ordusunun bir sıra basqın və reydləri fələstinli sakinlərə ziyan vurub.
VOA xəbər verir ki, “Wafa” xəbər agentliyinin məlumatına görə, İsrail qüvvələri Ramallah və Hebron bölgələrində evlərə basqın edib, əkin sahələrini yandırıb və bir neçə nəfəri saxlayıb. Ramallah yaxınlığındakı əl-Muğəyyir kəndinə basqın zamanı bir neçə evdə axtarış aparılıb, sakinlərə hücum olunub və kənd yaxınlığındakı əkin sahələri qəsdən yandırılıb. Beyt Ula qəsəbəsində isə evlərə reyd təşkil edilərək üç nəfər saxlanılıb.
Agentliyin məlumatına görə, İsrailli məskunlaşmaçılar da fələstinli yaşayış məntəqələrinə hücumlar edib. Hücumlar arasında Turmus Ayya qəsəbəsində bir evin ələ keçirilməsi, Əl-Fərsiyyə – Xallet Xader bölgəsində ot tayalarının yandırılması, Burqa qəsəbəsində bir evə ziyan vurulması və Atara bölgəsində bir avtomobilin şüşələrinin sındırılması halları yer alıb.
