BAKI,VOA,Yusif Şərifzadə
Qəzza zolağında son 48 saat ərzində azı 16 fələstinlinin həlak olduğu bildirilir.
VOA xəbər verir ki, bu barədə Qəzza Səhiyyə Nazirliyinin yaydığı son məlumatda qeyd olunub.
Məlumata əsasən, ölənlər arasında dağılan binaların altından çıxarılan doqquz nəfərin cəsədi də var.
Nazirlik həmçinin müxtəlif xəstəxanalarda 16 yaralının qeydə alındığını açıqlayıb.
Bölgədə davam edən gərginlik və dağıntılar səbəbindən xilasedici qrupların işinin çətinləşdiyi bildirilir.
Qəzza Səhiyyə Nazirliyi mülki itkilərin artdığını və humanitar vəziyyətin ağır olaraq qaldığını vurğulayır.
