BAKI,VOA, Fərid Mikayılov

İraqın Xalq Səfərbərlik Qüvvələri (PMF) ABŞ və Səudiyyə Ərəbistanının həyata keçirdiyi hava zərbələri nəticəsində azı 20 döyüşçüsünün həlak olduğunu, 32 nəfərin isə yaralandığını açıqlayıb.

VOA xəbər verir ki, itkilərlə bağlı məlumat ilkin xarakter daşıyır və hadisə yerlərində qiymətləndirmə işləri davam etdiyindən ölən və yaralananların sayının arta biləcəyi istisna edilmir.

Bildirilib ki, hava zərbələri Bağdad, Vasit, Neynəva, Bəsrə, Kərkük, Kərbəla və Diyala vilayətlərində yerləşən PMF mövqelərini hədəf alıb.

Açıqlamada qeyd olunub ki, hücumlar nəticəsində müxtəlif inzibati binalara, hərbi texnikaya və nəqliyyat vasitələrinə də ciddi ziyan dəyib.

Hələlik ABŞ və Səudiyyə Ərəbistanı tərəfindən bu iddialarla bağlı rəsmi açıqlama verilməyib.