BAKI,VOA,Yusif Şərifzadə
Qəzza zolağında İsrail qüvvələrinin hücumları nəticəsində səhər saatlarından etibarən azı dörd fələstinli, o cümlədən bir uşaq həlak olub.
VOA xəbər verir ki, Xan Yunisin Əl-Səttar əl-Qərbi ərazisində İsrail qüvvələrinin atəş açması nəticəsində azyaşlı fələstinli qız həlak olub, daha iki nəfər yaralanıb.
Məlumata görə, hadisə İsrail qüvvələrinin ərazidə atəş açması zamanı baş verib. Yaralıların vəziyyəti barədə hələlik ətraflı məlumat verilməyib.
Qəzzanın müxtəlif bölgələrində səhər saatlarından davam edən hücumlar nəticəsində ümumilikdə dörd nəfərin həyatını itirdiyi bildirilir.
Həlak olanlar arasında Xan Yunisdə öldürülən azyaşlı qız da var.
Son hadisələr Qəzzada mülki əhalinin təhlükəsizliyi ilə bağlı narahatlığı daha da artırır. Bölgədə hərbi əməliyyatların və atışmaların davam etməsi xüsusilə uşaqlar və məcburi köçkünlər üçün ciddi təhlükə yaradır.
