Bakı, AzerVoice
Qəzzanı ələ keçirmə planında fələstinlilərin geri qayıtmaq hüququ olmayacaq.
AzerVoice xəbər verir ki, bu sözləri ABŞ prezidenti Donald Tramp deyib.
"Onların olduqları yerdən bir az uzaqda təhlükəsiz yaşayış yerləri inşa edəcəyik. Bu arada, Qəzzanın sahibi mən olacağam. Bunu gələcək üçün bir əmlak inkişaf planı kimi düşünün, gözəl bir torpaq sahəsi olacaq", – deyə o bildirib.
"Fələstinlilərin geri qayıtmaq hüququ olacaqmı?" sualına Tramp, "Xeyr, olmayacaq, çünki onlar daha yaxşı mənzillərə sahib olacaqlar" – deyə cavab verib.
Tramp bildirib ki, əgər fələstinlilər geri qayıtmaq məcburiyyətində qalsalar, bunun baş verməsi üçün illər keçməlidir, üstəlik ora yaşamaq üçün əlverişli bir ərazi deyil.
"İordaniya və Misirlə bir razılıq əldə edə biləcəyimi düşünürəm.", – deyə qeyd edib.
