Bakı, AzerVoice
Belə xaotik mühit və şəraitdə Türkiyə üçün tarixi bir fürsət qapısı açılıb.
AzerVoice xəbər verir ki, bu sözlər Türkiyənin Milliyyətçi Hərəkat Partiyasının (MHP) lideri Dövlət Bahçelinin verdiyi açıqlamada yer alıb.
Bahçeli, İmralıdan gələn çağırış sonrası atılan və atılacaq addımlarla bağlı fikirlərini bölüşüb.
"Hər kəsə məlumdur ki, siyasi problemlər, silahlı toqquşmalar, sistematik çatlar və digər bir çox pozuntular bəşəriyyətin sülh, sabitlik və təhlükəsizlik mühitini zəhərləyir. Sabitliyi pozulmuş, iradəsi məhdudlaşdırılmış bir dünya bütün risk və qeyri-müəyyənlikləri ilə qarşımızda dayanır.", - deyə o qeyd edib.
Bahçeli vurğulayıb ki, mənəvi, əxlaqi və hüquqi böhranların səviyyəsi artdıqca, geosiyasi qarşıdurmalar, iqtisadi gərginliklər və strateji cəbhələşmələr də yeni mövqelər əldə edərək fərqli ölçülər qazanır.
"Bölgəsəl və qlobal təhdidlərə qarşı sahib olduğumuz sivilizasiya irsi və müqəddəs millət varlığımız yeganə təminatımızdır", - deyə Bahçeli qeyd edib.
O bildirib ki, Türk milləti min ildir Anadolu coğrafiyasını öz yurdu etmişdir.
Qeyd edək ki, daha öncə PKK terror təşkilatının lideri Abdullah Öcalan PKK-ya silahları yerə qoyma çağırısı edib.
"Bütün qruplar silahı yerə qoymalı və PKK özünü buraxmalıdır. Silahları yerə qoyma çağırısı edir və bu tarixi çağırının məsuliyyətini öz üzərimə götürürəm", - deyə Öcalanın mesajında qeyd olunub.
Həmçinin xatırladaq ki, PKK lideri Abdullah Öcalan 26 ildir İmralı həbsxanasında saxlanılır. O, 1999-cu il fevralında Milli Kəşfiyyat Təşkilatının əməliyyatı nəticəsində Keniyada saxlanılıb və Türkiyəyə gətirilib. O, ölüm cəzasına məhkum edilsə də, hökm sonradan ömürlük həbs cəzası ilə əvəzlənib.
