BAKI, AzerVoice, Səməd Əyyubov
İsrailin “Böyük İsrail” xülyası təkcə regionu deyil, bütün dünyanı təhdid edən təhlükədir.
AzerVoice xəbər verir ki, bunu İran Xarici İşlər Naziri Seyid Abbas Əraqçi deyib.
O, İsrailə qarşı İslam ölkələrinin ortaq mövqe göstərməsinin vacibliyini vurğulayıb.
Əraqçi İslam Əməkdaşlıq Təşkilatının (İƏT) qarşıdakı günlərdə baş tutacaq Xarici İşlər Nazirləri toplantısının İslam ölkələri üçün tarixi dönüş nöqtəsi olmasının vacibliyini qeyd edib.
Nazir, İsrailin hücumlarını dayandırmaq üçün regional və beynəlxalq səviyyədə ittifaq qurmaq baxımından bu görüşün nadir fürsətlərdən biri olduğunu bildirib.
Əraqçi bəzi ərəb ölkələri ilə İsrail arasında imzalanan İbrahim Sazişlərinin aldadıcı vədlər daşıdığını və bu cür yanaşmaların İslam dünyası üçün ciddi fəsadlara səbəb ola biləcəyi barədə xəbərdarlıq edib.
Hazırda Qəzza zolağında vəziyyət gərgin olaraq qalır. İsrail ordusunun hücumları davam edir və bölgədə humanitar vəziyyət getdikcə ağırlaşır.
