Bakı. AzerVoice:
Türkiyənin keçmiş baş naziri Əhməd Davudoğlu dünyanın müxtəlif ölkələrindən keçmiş baş nazirlər, nazirlər və rəy liderlərindən ibarət nümayəndə heyəti ilə Qəzzaya getməyi planlaşdırdığını açıqlayıb.
AzerVoice xəbər verir ki, o, təhlükəsizlik risklərini öz üzərinə götürmək müqabilində Misirdən onların keçidinə icazə verməsini xahiş edib.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 26 min 751 nəfərə çatıb.
