BAKI, AzerVoice

İsrail Hərbi Hava Qüvvələri Husilərin Yəmən ərazisindən atdığı raketi vurublar.

AzerVoice xəbər verir ki, bu barədə İsrail ordusunun veridiyi açıqlamada deyilir.

Açıqlamada qeyd olunub ki, raketlər vurulmadan əvvəl, ölkənin bir neçə bölgəsində hava həyəcanı siqnalları səsləndirilib.

Qeyd edək ki, bundan əvvəl İsrail ordusu, Husilərin Yəməndən atdığı iki raketi zərərsizləşdirdiyini bildirmişdi.

Həmçinin xatırladaq ki, bundan əvvəl husilər martın 7-də İsrailə humanitar yardımların Qəzzaya girişinə icazə verməsi üçün 4 gün vaxt vermiş və əks halda dəniz əməliyyatlarını bərpa edəcəklərini bildirmişdilər.

ABŞ Prezidenti Donald Tramp martın 15-də “Truth” sosial platformasında Yəməndə husilərə qarşı genişmiqyaslı hərbi əməliyyat əmri verdiyini açıqlayıb.

Husilərin lideri Əbdül-Malik əl-Husi isə ABŞ-ın hava və dəniz qüvvələrinin husilərin hədəfinə çevriləcəyini və Vaşinqtonun da dənizdə naviqasiya məhdudiyyətlərindən təsirlənəcəyini bildirib.

Həmçinin oxuyun: