BAKI, AzerVoice
ABŞ Qrenlandiyanı ələ keçirə bilməyəcək.
AzerVoice xəbər verir ki, bunu Danimarkanın baş naziri Mette Frederiksen Qrenlandiyanın paytaxtı Nuuk şəhərində keçirdiyi mətbuat konfransında deyib.
"Qrenlandiya qrenlandiyalılara məxsusdur və ABŞ bu adanı ələ keçirməyəcək. Təbii ki, bu, qarşıdakı günlərdə birlikdə müzakirə edəcəyimiz bir məsələdir", – deyə Frederiksen bildirib.
Qeyd edək ki, Frederiksen 2–4 aprel tarixlərində Qrenlandiyada rəsmi səfərdədir. Bu, onun martın 11-də keçirilən seçkilərdən sonra adaya ilk səfəridir. Danimarkalı siyasətçi burada yeni seçilmiş baş nazir Yens-Frederik Nilsenlə danışıqlar aparacaq və adanın gələcək hökumət kabinetinin üzvləri ilə görüşəcək.
Xatırladak ki, bundan əvvəl Danimarkanın xarici işlər naziri Lars Lokke Rasmussen ABŞ nümayəndə heyətinin səfərini “problemli” və “hörmətsiz” adlandırıb. Danimarka və Qrenlandiya rəhbərliyi adanın satılmayacağını bəyan edərək ABŞ-ın ilhaq planlarına qarşı çıxış ediblər.
Həmçinin xatırladaq ki, ABŞ prezidenti Donald Tramp, verdiyi müsahibədə Qrenlandiyanı alacağından 100 faiz əmin olduğunu bildirmişdi.
Müsahibə zamanı, Tramp, məqsədinə çatmaq üçün heçvaxt hərbi gücü istisna etməyəcəyini bildirib. Lakin o, bu məslənin sülh yolu ilə həllini "yaxşı bir ehtimal" kimi qiymətləndirib.
"Məsələ dünya sülhüdürsə, heç nəyi istisna etməyəcəm", - deyə Tramp bildirib.
Tramp, Qrenlandiyanın alınmasnın Rusiyaya və Dünyaya necə bir mesaj olacağı sualına "Bu barədə düşünmürəm, həqiqəntə əhəmiyyətli deyil" deyə cavablandırıb.
