İsrail qərb mediası vasitəsiylə manipulyasiya həyata keçirir

İsrail Qəzzadakı soyqırımını ört-basdır etmək üçün qərb mediasından istifadə edir.

AzerVoice xəbər verir ki, Britaniya mətbuatında yer alan xəbərə görə, yəhudi lobbiləri iyun ayında Qərb jurnalistləri üçün İsrailə səfər təşkil ediblər. Jurnalistlərə sadəcə İsrail nöqteyi-nəzərindən məlumat verilib və onlar da ölkələrinə geri qayıtdıqları zaman İsrailyönlü məqalələr dərc ediblər.

İsrail Fələstinlilərə qarşı soyqırımını gizlətmək üçün Qərb mediası vasitəsiylə manipulyasiya həyata keçirir.

İngilis media orqanı dərc etdiyi xəbərlə bu faktı bir daha ortaya qoydu.

Məqalədəki iddiaya görə, yəhudi lobbisi iyun ayında 22 ölkədən jurnalistlər üçün İsrailə beş günlük səfər təşkil edib.

Xərcləri Avropa İsrail Mətbuat Assosiasiyası və Amerika Yaxın Şərq Mətbuat Assosiasiyası öz üzərinə götürüb.

Səfər zamanı “The Spectator Newsweek” və “Sunday Express” kimi nəşrlərin müxbirlərinə İsrailin mənafeyinə uyğun məlumat verilib.

Jurnalistlər İsrail Kəşfiyyat Xidməti Mossad-ın keçmiş rəhbərlərindən biri olan Zohar Palti ilə bir araya gətirilib, həmçinin İsrail silah şirkətlərinin rəhbərləri və Qəzzada qətliamda iştirak edən əsgərlərlə görüşdürülib.

Jurnalistlər həmçinin İsraili Beynəlxalq Ədalət Məhkəməsində təmsil edən bir vəkil, Netanyahunun Likud partiyasının bir üzvü və İsrail-Livan sərhədindəki hərbi rəsmilərlə də bir araya gətirilib.

Lakin jurnalistlərə fələstinlilərlə görüşə icazə verilməyib.

Jurnalistlərə HƏMAS-ın Qəzzadakı fəaliyyətini tənqid edən qərəzli məlumatlar verilib.

Səfərdə iştirak edən jurnalistlərin bir qismi ölkələrinə qayıtdıqdan sonra yazdıqları İsrailyönlü yazılarla yəhudi lobbisinin təbliğat fəaliyyətlərinin bir hissəsinə çevriliblər.