BAKI,AzerVoice
Macarıstan parlamenti ölkənin Beynəlxalq Ədalət Məhkəməsindən (ICC) çıxmasını nəzərdə tutan qanun layihəsini təsdiqləyib.
AzerVoice xəbər verir ki. sənədi parlamentdə təqdim edən Macarıstanın xarici işlər naziri Peter Siyarto bildirib ki, son illərdə məhkəmə ciddi şəkildə siyasiləşib və müxtəlif dövlətlər tərəfindən beynəlxalq münaqişələrdə öz məqsədlərinə çatmaq üçün istifadə olunur.
“Macarıstan hesab edir ki, siyasətə və geosiyasətə beynəlxalq təşkilatlarda yer yoxdur” – deyə nazir vurğulayıb.
Macarıstan hökuməti ölkənin ICC-dən çıxacağını hələ aprel ayının əvvəlində elan edib.
Bu qərar İsrailin baş naziri Benyamin Netanyahunun Budapeştə səfəri ilə eyni vaxta təsadüf edib. Macarıstan İsraili Fələstin hərəkatı HƏMAS-a qarşı mübarizədə dəstəkləyir.
Qeyd edək ki, ötən ilin noyabrında Beynəlxalq Ədalət Məhkəməsi Netanyahunun Fələstin ərazisində hərbi cinayətlər və insanlığa qarşı cinayətlər ittihamı ilə həbsinə order verib. Macarıstanın baş naziri Viktor Orban bu qərarı “absurd və utancverici” adlandırıb.
