BAKI, AzerVoice

Fransada Tesla satışları 59 faiz azalıb.

AzerVoice xəbər verir ki, elektrik avtomobil istehsalçısı Tesla-nın Fransadakı satışları kəskin şəkildə azalıb.

Aprel ayında şirkətin satışları ötən ilin eyni dövrü ilə müqayisədə 59 faiz geriləyib.

Fransanın Avtomobil Sənayesi Platformasının məlumatına görə, 2025-ci ilin əvvəlindən bəri ölkədə cəmi 7556 Tesla avtomobili qeydiyyata alınıb. Bu göstərici 2024-cü ilin ilk dörd ayı ilə müqayisədə 44 faiz azalma deməkdir.

Fransa Avropa İttifaqının üçüncü ən böyük avtomobil bazarı sayılır və Tesla üçün bu bazarda yaşanan geriləmə şirkətə ciddi təsir göstərib. Avropa Avtomobil İstehsalçıları Assosiasiyasının (ACEA) yaydığı hesabatda da Tesla-nın birinci rübdə Avropadakı satışlarının 45 faiz azaldığı bildirilmişdi.

Bəzi analitiklər bu azalmanın səbəbləri sırasında Tesla-nın rəhbəri İlon Maskın ABŞ-ın keçmiş prezidenti Donald Trampa yaxınlığı ilə bağlı Avropada formalaşan mənfi ictimai rəyin də rol oynadığını qeyd edirlər.

Aprel ayında Fransada elektrikli nəqliyyat vasitələrinin satışı ümumilikdə sabit qalsa da, ümumi avtomobil bazarında 5,64 faiz azalma müşahidə olunub. Ay ərzində qeydiyyata alınan nəqliyyat vasitələrinin sayı 139 min təşkil edib.

Qeyd edək ki, aprel ayında Stellantis qrupunun satışları 12 faiz azalıb, Renault-un satışları 2 faiz, Volkswagen-in isə 1 faiz artıb.