BAKI, AzerVoice
Avropa İttifaqı, İsrail ilə imzalanmış Assosiasiya Sazişinin yenidən nəzərdən keçirilməsi qərarını qəbul edib.
AzerVoice xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas Brüsseldə keçirilən Aİ Şurası iclasından sonra təşkil etdiyi mətbuat konfransında bildirib.
“Biz prosesi başladırıq və ümid edirik ki, Qəzza zolağına humanitar yardımın çatdırılması bərpa olunacaq və vəziyyət yaxşılaşacaq” – deyə, o qeyd edib.
Kallasın sözlərinə görə, Brüsseldə keçirilən iclas zamanı Aİ-yə üzv olan ölkələrin əksəriyyəti İsrail ilə assosiasiya sazişinin yenidən nəzərdən keçirilməsinin tərəfdarı olub. O, bu qərarın nəticələrinin nə zaman açıqlanacağına dair konkret tarix verməyib.
“Rəqəmləri və üzv ölkələrin adlarını açıqlamayacağam, lakin əksəriyyət bu məsələnin yenidən nəzərdən keçirilməsinin lehinə idi” – deyə, Kallas bildirib.
