BAKI, AzerVoice
ABŞ bir çox universitetləri məqsədli şəkildə irqi ayrı-seçkilik siyasəti aparır.
AzerVoice xəbər verir ki, bunu ABŞ-ın vitse-prezidenti Cey Di Vens deyib.
Onun sözlərinə görə, ABŞ-da təhsil və elm sahəsində ciddi bürokratik problemlər mövcuddur və bu problemlər fundamental tədqiqatların kommersiya sahəsində tətbiqinə mane olur.
“Bütün bunlara əlavə olaraq, bir çox universitetlər açıq şəkildə irqi ayrı-seçkiliklə məşğuldur (əsasən ağlar və asiyalılara qarşı) və bu, ölkəmizdə vətəndaş hüquqları haqqında qanunları pozur” – deyə o, X sosial şəbəkəsində yazıb.
“Bizim universitetlər Tramp administrasiyasının siyasətini bu problemlərə qarşı zəruri islahat kimi qəbul edib, öz yanaşmalarını dəyişdirə və hökumətlə əməkdaşlığa gedə bilərdilər. Yaxud da, onlar buna cavab olaraq 'faşizm' deyə hayqıra və cəmiyyətdəki aktuallıqlarını itirərək yoluna davam edə bilərlər” - deyə, Vens əlavə edib.
Xatırladaq ki, bu həftənin əvvəlində ABŞ Prezidenti Donald Trampın administrasiyası Harvard Universitetinə xarici tələbə qəbulu ilə bağlı lisenziyanı dayandırıb. Daxili Təhlükəsizlik Naziri Kristi Noem bəyan edib ki, Harvard universitetinin bu hüququ əlindən alınmasına səbəb kimi kampusda zorakılığı və antisemitizmi təşviq etməsi, həmçinin universitet rəhbərliyinin Çin Kommunist Partiyası ilə mümkün əlaqələrinin olması göstərilib. Buna cavab olaraq Harvard Universiteti Bostonda yerləşən federal məhkəməyə iddia qaldırıb.
