BAKI, AzerVoice
Fransanın radikal sağçı Milli Birlik Partiyasının (RN) sədri Jordan Bardella çərşənbə günü partiyanın Parisdəki baş qərargahına polis və hakimlər tərəfindən reyd keçirildiyini açıqlayıb.
AzerVoice xəbər verir ki, Bardellanın sözlərinə görə, silahlı polis əməkdaşları və məhkəmə nümayəndələri partiyanın sənədlərinə, mühasibat dəftərlərinə və elektron yazışmalarına böyük bir əməliyyat çərçivəsində əl qoyublar.
O, bu addımı “inanılmaz və misli görünməmiş bir əməliyyat” adlandıraraq, bunu açıq şəkildə yeni bir “təzyiq kampaniyasının tərkib hissəsi” kimi dəyərləndirib.
Partiya sədri sosial şəbəkə X üzərindən etdiyi paylaşımda əməliyyatın hüquqi əsaslarını bilmədiyini bildirib və bu hadisəni “çoxpartiyalı sistemə və demokratik dəyişikliklərə qarşı ciddi bir hücum” adlandırıb.
Fransa hakimiyyəti hadisə ilə bağlı hələlik rəsmi açıqlama yaymayıb.
