BAKI, AzerVoice

İsrailin Qəzzaya son hücumları zamanı aralarında uşaqların da olduğu 13 nəfər həlak olub.

AzerVoice xəbər verir ki, İsrail ordusunun Qəzza zolağının müxtəlif bölgələrinə təşkil etdiyi hücumlarda aralarında uşaqların da olduğu 13 fələstinli ölüb, çoxlu sayda insan isə yaralanıb.

Xəstəxana mənbələri və şahidlərin bildirdiyinə görə, İsrail ordusu bu gün səhər saatlarında Qəzzanın müxtəlif bölgələrində məcburi köçkünlərə sığınan fələstinlilərin evlərini və çadırlarını hədəf alıb.

Qəzza zolağının cənubundakı Xan Yunisin Mavasi bölgəsindəki çadır hava hücumuna məruz qalıb. Hücum nəticəsində üçü uşaq olmaqla 8 fələstinli həlak olub, çoxlu sayda fələstinli yaralanıb.

Qəzzanın mərkəzindəki Nusayrat Qaçqınlar Düşərgəsində bir mənzil və qəhvəxananın partladılması nəticəsində 3 fələstinli də həlak olub.

İsrail ordusunun Qəzza şəhərinin cənubundakı Sabra məhəlləsində bir evə hücumu nəticəsində iki nəfər də həlak olub.