BAKI, AzerVoice

Böyük Britaniyada növbəti seçkilərdən etibarən 16 yaşlı gənclərə səsvermə hüququ veriləcək.

AzerVoice xəbər verir ki, Böyük Britaniya hökuməti demokratiyanın modernləşdirilməsi planı çərçivəsində səsvermə yaşının 18-dən 16-ya endiriləcəyini açıqlayıb.

Rəsmi bəyanatda bildirilib ki, artıq işləyən, vergi ödəyən və hərbi xidmətə cəlb olunan gənclərə siyasi qərarlarda söz haqqı tanınacaq. Baş nazirin müavini Angela Rayner bu addımın ictimai iştirakın artırılmasına və seçki institutlarına inamın bərpasına xidmət etdiyini bildirib. Yeni dəyişiklik nəticəsində növbəti ümumi seçkilərdə təxminən 1,5 milyon gəncin səs verməsi gözlənilir.

Qeyd edək ki, Şotlandiya və Uelsdə 16 və 17 yaşlı gənclər artıq səsvermə hüququna malikdir. İngiltərə və Şimali İrlandiyada isə səsvermə yaşı hələlik 18 olaraq qalır. Ölkədə səsvermə yaşı sonuncu dəfə 1969-cu ildə 21-dən 18-ə endirilmişdi.