BAKI,
AzerVoice
ABŞ Dövlət Departamenti xaricdəki diplomatik nümayəndəliklərinə
digər ölkələrdə keçirilən seçkilərlə bağlı açıqlamalarla ehtiyatlı
davranmaları üçün göstəriş göndərib.
AzerVoice xəbər verir ki, Associated
Press-in (AP) əldə etdiyi məlumata görə, təlimatda ABŞ-ın yalnız
aydın və əsaslandırılmış xarici siyasət maraqları olduqda
seçkilərlə bağlı rəsmi mövqe bildirməsi tövsiyə olunur.
Dövlət Departamenti bildirib ki, səfirlik və konsulluqların verdiyi
açıqlamalar ABŞ prezidentinin – Donald Trampın – xarici ölkələrin
suverenliyinə hörmət prinsipinə uyğun olmalıdır.
Həmçinin vurğulanıb ki, açıqlamalar mümkün qədər qısa tutulmalı,
əsas diqqət qalib namizədin təbrikinə və ortaq maraqlara
yönəldilməlidir. Sənəddə xüsusi olaraq qeyd olunub ki, ideoloji
səciyyəli və ya birtərəfli bəyanatlardan qaçmaq vacibdir.
Qeyd edək ki, Donald Tramp administrasiyası dövründə ABŞ
diplomatiyasında “sərhədlərə hörmət və daxili işlərə qarışmamaq”
prinsipinə daha çox üstünlük verildiyi müşahidə olunur.
