BAKI, AzerVoice
ABŞ qeyri-qanuni immiqrantlara və onları işə götürən şirkətlərə qarşı genişmiqyaslı tədbirlərə başlayır.
AzerVoice xəbər verir ki, ABŞ
İmmiqrasiya və Gömrük Mühafizəsi (ICE) ölkədə qeyri-qanuni yaşayan
şəxslər və onların işəgötürənlərini hədəf alan yeni tədbirlər
planını elan edib.
ICE direktoru vəzifəsini icra edən Todd Lyons bildirib ki, cinayət
keçmişi olmayan şəxslər də daxil olmaqla, bütün icazəsiz
immiqrantlar saxlanılacaq və müvafiq tədbirlər görüləcək.
Lyons CBS News-a verdiyi açıqlamada ICE-nin resurslarının qeyri-qanuni immiqrantlar və cinayət keçmişi olan şəxslərə yönəldiləcəyini vurğulayıb. O qeyd edib ki, iş yerlərində yoxlamalar davam etdiriləcək və qanunsuz işçi çalışdıran işəgötürənlər də məsuliyyətə cəlb olunacaq.
Qeyd edək ki, ICE-nin məlumatına görə, Donald Trampın prezidentliyi dövründə 150 min nəfər deportasiya edilib, onların 70 mini müxtəlif immiqrasiya və yol hərəkəti qaydalarını pozduğuna görə cinayətkar sayılıb.
