BAKI, AzerVoice, Nərmin Ağayeva
ABŞ Prezidenti Donald Tramp Çinə tətbiq olunan yüksək gömrük tariflərinin 90 gün müddətinə yenidən təxirə salınması ilə bağlı sərəncam imzalayıb.
AzerVoice xəbər verir ki, bu sərəncam may ayında ABŞ və Çin arasında qarşılıqlı tarif artımlarını azaltmaq üçün razılaşdırılan 90 günlük müddətin sona çatmasından əvvəl verilib.
Trampın açıqlamasında bildirilib ki, tariflərin dayandırılması ticarət balanssızlığının aradan qaldırılması, ədalətsiz ticarət təcrübələrinə son qoyulması və Amerika ixracatının genişlənməsi üçün vacibdir.
Tariflərin dayandırılması noyabrın 10-dək uzadılıb və ABŞ ilə Çin arasında may ayında İsveçrədə başlayıb, iyun və iyulda Londonda və Stokholmda davam edən danışıqlar çərçivəsində həyata keçirilir.
Qeyd edək ki, Tramp apreldə Çin mallarına tətbiq etdiyi tarifləri 145 faizdən 30 faizə, Çin isə ABŞ mallarına 125 faizdən 10 faizə endirmək barədə razılığa gəlmişdi.
