BAKI,AzerVoice, Fərid Mikayılov
ABŞ Konqresi Venesuela üçün müvəqqəti dövrün lideri kimi müxalifət lideri Maria Korina Maçadonu dəstəklədiyini açıqlayıb.
AzerVoice xəbər verir ki, bu qərar Palata nümayəndələrinin Xarici Əlaqələr Komitəsinin qapalı iclasında qəbul edilib.
Palata nümayəndəsi Michael McCall bildirib ki, Maçado ölkəni idarə etmək üçün "bütün zəruri keyfiyyətlərə sahibdir".
Texas ştatından nümayəndə Mike Lawler isə Maçadonu "Venesuela üçün yeni səviyyəyə aparacaq lider" adlandırıb və ölkədə demokratik seçkilərə keçidin ən qısa zamanda təmin edilməli olduğunu vurğulayıb.
Məlumata görə, müvəqqəti prezident Delsi Rodriqez və Maria Korina Maçado ABŞ Prezidenti Donald Trampın dəstəyini qazanmaq üçün yarışırlar. Hər iki siyasətçi Trampı özlərinin Venesuelanın keçid dövrünü idarə etməyə uyğun lider olduğuna inandırmağa çalışır.
Rəsmi açıqlamalara görə, ABŞ Konqresi Maçadonun liderliyini ölkənin demokratik inkişafı və sabitliyinin təminatı baxımından dəstəkləyir və regional siyasətçilər bu dəstəyin vacibliyini vurğulayırlar.
