BAKI,VOA, Fərid Mikayılov
Fransada, Məktəb və Universitet İşləri üzrə Milli Mərkəz (Cnous) kiber hücuma məruz qalıb və təxminən 770 min tələbənin şəxsi məlumatları oğurlanıb.
VOA xəbər verir ki, Fransanın Təhsil Nazirliyinə bağlı təxminən 243 min şəxsin məlumatları qanunsuz şəkildə ələ keçirildikdən sonra, tələbələrin təhsil fəaliyyətlərini dəstəkləyən Cnous xidməti kiber hücumun hədəfi olub.
Hücum nəticəsində təxminən 770 min tələbənin məlumatlarına qanunsuz giriş təmin olunub və məsələ ilə bağlı istintaq başlanıb.
Cnous-un yaydığı rəsmi açıqlamada hücumun mənbəyi barədə məlumat verilməyib, lakin gələcəkdə oxşar hallarının qarşısını almaq üçün təhlükəsizlik tədbirlərinin artırıldığı bildirilib.
