BAKI,VOA, Fərid Mikayılov
Ukrayna hakimiyyəti Rusiyanın Qara dənizdə Türkiyəyə doğru hərəkət edən yük gəmisinə pilotsuz uçuş aparatı ilə zərbə endirdiyini açıqlayıb.
VOA xəbər verir ki, Odessa limanından Türkiyəyə yola düşən, Vanuatu bayrağı altında üzən “ANT” adlı türk quru yük gəmisi Rusiyaya məxsus pilotsuz uçuş aparatı ilə hədəfə alınıb.
Hücum nəticəsində iki dənizçinin yaralandığı və xəstəxanaya yerləşdirildiyi bildirilib.
Hadisə yerindən yayılan ilk görüntülərdə gəminin zərər gördüyü, yanğınsöndürmə briqadalarının ərazidə soyutma işləri apardığı əks olunub.
Rusiya tərəfi insidentlə bağlı hələlik rəsmi açıqlama verməyib.
